मेकिंग महाराष्ट्र – बारामती,दि.०३
मित्राने कौटंबिक अडचणीमध्ये मदत म्हणून दिलेली २ लाख ३५ हजार रुपयांची रक्कम देण्यास मित्रांकडून टाळाटाळ केली जात होते.पैशांची सतत मागणी केली असता मित्राने बँक खात्यावर पैसे नसताना धनादेश देऊन मित्राची फसवणूक केली.मित्राने कोर्टात धाव घेत रक्कम परत मिळणेसाठी न्यायाची मागणी केली. बारामती येथील प्रथमवर्ग न्यायदंडाधिकारी यांचे कोर्टाने आरोपीस दोषी ठरवत कोर्ट उठेपर्यंत कारावासाची शिक्षा व रक्कम रुपये १,००০ रुपये दंड सुनावला.
आरोपीने रककम न भरलेस त्याकरीता दहा दिवस साध्या कारावासाची शिक्षा भोगण्याबाबत आदेश दिला आहे. २ लाख ५० हजार रुपयांइतकी रक्कम नुकसान भरपाई म्हणून एक महिन्यात देण्याचा निर्णय बारामती येथील प्रथमवर्ग न्यायदंडाधिकारी दुर्गा प्र.पुजारी यांच्या न्यायालयाने दिला आहे. कामकाज फिर्यादीतर्फ अॅड.कुणाल जाधव तसेच अॅड. अजित बनसोडे व असोसिएटसचे सर्व सदस्यांनी पाहिले.